mi awen pali e lipu ni!
mi pali kepeken ilo toki lili. sina lon ilo suli la ona li ken nasa
toki! mi jan [pali ante linja ilo nasin ale] :3
mi jan pi toki pona. musi mi li sitelen leko li kalama musi. taso mi pana ala e kalama musi tawa ilo toki. mi pali e lipu ni tawa ale ni: ona li pona tawa mi. ona li tawa musi taso
lipu [tan anpa nanpa pana anpa] la nimi mi li a-pakala
o lukin e sitelen mi.
wile pali li sama telo. ona li kama lili li kama suli lon tenpo. mi pali e "seme li sin" sin tan ni: mi pana e lipu sin. ona li lipu toki. mi wile pana e toki musi e toki pi lon mi tawa ona.
mi pana ala e toki sin. mi toki e ni lon toki pini kin. poki nanpa mi li awen pakala. taso mi ante e nasin lukin pi lipu ni. kin la mi pana e sitelen ante luka tawa toki suli. sina ken lukin e ni lon toki sewi "seme li sin". ken la mi weka sin. taso mi awen sona e lipu ni. ike li ni: tenpo mute la mi wawa ala li wile ala pali. mi tawa tomo la mi wile lape taso. taso lipu ni li musi tawa mi. mi pilin e ken sin tawa ona.
mi weka e sona pi lipu ni lon tenpo mute. taso tenpo suno pini la mi pali sin e ona. poki nanpa mi li pakala la mi pali kepeken ilo toki lili mi. mi wile e ni: mi awen pali e ona. mi sin e ale. mi pana e toki sin tawa lipu kon li lon e lipu linja. mi pali e nena sin tawa nimi sin lipu. o pona!
pakala li lon lipu ni la o toki tawa mi. sina pilin e ijo sin la mi wile kute e ona