tomo
|
toki
|
linja
/\ /| \ /_@__\
mi awen pali e lipu ni!
mi pali kepeken ilo toki lili. sina lon ilo suli la ona li ken nasa
toki! mi jan [paliantelinjailonasinale] anu jan "pali nasin" :3 nimi "pali nasin" li toki kon mi. mi wile pali e ale lon nasin pona mi. kin la ona li kalama sama [paliantelinjailonasinale] sin. mi sin e kon mi li wile lukin e ale kepeken wawa pi jan sin.
mi jan pi toki pona. musi mi li sitelen leko li kalama musi. mi pana ala e kalama musi tawa ilo toki lon tenpo ni. mi pilin monsuta lon tenpo mute. taso ni li pini ala e mi. mi pali e lipu ni tawa ale ni: ona li pona tawa mi. ona li tawa musi taso.
mi wile toki e ni: musi seme li pona tawa mi. taso poki nanpa suli mi li pakala la mi ken ala musi e musi mute wile mi. tan pilin la musi [ma ale nasa kasi akesi] en musi BEAM.NG en musi ADOFAI en musi EURO TRUCK SIM 2 en musi TERRARIA li pona tawa mi. sina sona e musi ni la sina ken mu mute tawa mi.
a! mi pali e lipu ni lon tenpo suno mute lon wan taso ala a. ni li pilin nasa... mi pana e sin mute lon tenpo ni. mi pali e sitelen sike lon lipu ni. ona li lon open pi lipu tomo ni. sin la mi pana e toki musi. mi pali ala e toki musi sama ni lon tenpo pini. mi open taso lon tenpo pi pini lili. taso mi pilin e ni: ona li ken pona. sina o lukin e ona lon lipu toki.
ni li musi tawa mi: toki ni ale li sama. "mi pakala. mi pana ala e sin lon tenpo mute." mi wile toki lon tawa pilin mi. mi pali e lipu ni lon tenpo mute ala. pali ni li ilo e tenpo mute. taso tenpo ni la mi pali. mi wilr awen pali. taso ni li ken li ken ala kin la o pilin wawa ala.
wile pali li sama telo. ona li kama lili li kama suli lon tenpo. mi pali e "seme li sin" sin tan ni: mi pana e lipu sin. ona li lipu toki. mi wile pana e toki musi e toki pi lon mi tawa ona.
mi pana ala e toki sin. mi toki e ni lon toki pini kin. poki nanpa mi li awen pakala. taso mi ante e nasin lukin pi lipu ni. kin la mi pana e sitelen ante luka tawa toki suli. sina ken lukin e ni lon toki sewi "seme li sin". ken la mi weka sin. taso mi awen sona e lipu ni. ike li ni: tenpo mute la mi wawa ala li wile ala pali. mi tawa tomo la mi wile lape taso. taso lipu ni li musi tawa mi. mi pilin e ken sin tawa ona.
mi weka e sona pi lipu ni lon tenpo mute. taso tenpo suno pini la mi pali sin e ona. poki nanpa mi li pakala la mi pali kepeken ilo toki lili mi. mi wile e ni: mi awen pali e ona. mi sin e ale. mi pana e toki sin tawa lipu kon li lon e lipu linja. mi pali e nena sin tawa nimi sin lipu. o pona!
pakala li lon lipu ni la o toki tawa mi. sina pilin e ijo sin la mi wile kute e ona