poki nanpa musi mi li pakala la mi musi kepeken ilo toki lili mi lon tenpo mute. ni la mi alasa e musi pona lon ilo lili. pini tawa musi lukin la mi wile toki e musi pona ante. Retro Bowl, Mindustry, Simon Tatham's Puzzles, Vampire Survivors, + True Skate li pona tawa mi---o pilin ike ala tan nimi ni mute a a a. taso ona pi pona nanpa open li musi Shattered Pixel Dungeon anu musi [samaalasatawaanpapaninsaselioteloawennasinsewialeni] anu musi "tomo anpa ike pakala pi sitelen leko"
ona li pona mute. sina ken musi kepeken ona lon tenpo mute. taso wile la sina ken lon tenpo lili. ona li awen tawa pali sina la sina ken awen lon tenpo ale. ona li jo e ijo mute lon kin. mi musi lon tenpo mun mute tawa pini. taso ni kin li "pini" pini ala. sina ken sewi kin. musi ni li epiku tawa mi.
sina wile musi lon ilo lili la o jo e musi ni. ona li pona tawa ilo lili li pona tawa musi ante. ona li pana ala e sitelen esun ike. ala ni la ona li jo e poki mani tawa ni: jan li ken pana e mani. mi jo ala e mani mute. taso mi wile e ni: toki ni li pona la jan li lukin e musi ni. ni li ale. tawa pona!